Жогорку Кенештин депутаты Азизбек Турсунбаев жалпы кыргызстандыктарды кирип келе жаткан жаңы жыл майрамы менен куттуктады. Ал өз куттуктоосун социалдык баракчасы аркылуу билдирди.
"Жараткан өзү жар болуп, жергебизде ар дайым тынчтык, токчулук, молчулук, бакубат жашоо болсун. Ар бириңиздердин үйүңүздөрдөгү коломтонун оту өчпөсүн, бакыт кушу башыңыздардан кетпесин. Көкүрөгүңүздөрдө катылган бийик тилек-максаттарыңыздар, алдыга койгон пландарыңыздар келе жаткан жылы жүзөгө ашуусуна тилектешмин. Ата-энелерибиз уул-кыздарынын, неберелеринин урмат-сыйына бөлөнсүн, келечек муундун өкүлдөрү болгон жаш балдарыбыз бактылуу балалыктын доорун сүрүшсүн. Жалпыңыздарга бекем ден соолук, узак жана бактылуу өмүр каалайм", - деп айтылат эл өкүлүнүн куттуктоосунда.
Пикирлер (0)
Пикир жок. Сиз биринчилерден болушуңуз мүмкүн