БШК Россияда референдумга добуш берүүнүн протоколун 100 пайыз кабыл алды

Россияда Борбордук шайлоо комиссиясы Конституцияга өзгөртүүлөрдү киргизүү боюнча референдумдун бардык протоколдорун кабыл алды.

РИА “Новости” агенттиги маалымдагандай, добуш берүүгө катышкандардын 77,92 пайызы макул десе, 21,27 пайызы каршы добуш беришкен.

Жарандардын шайлоого катышуусу 67,97 пайызды түздү. Олуттуу мыйзам бузуулар боюнча арыздар болгон жок.

Добуш берүү 25-июндан 1-июлга чейин уланды. Башында референдум өткөрүү апрель айына белгиленген, бирок пандемияга байланыштуу мөөнөтү жылдырылган.

Жаңы өзгөртүүлөргө ылайык, эми Владимир Путин президенттик кызматка кайрадан талапкердигин коё алат.