Борбордук шайлоо комиссиясы Жогорку Кеңештин депутаттыгына бир мандаттуу Төлөйкөн шайлоо округунан талапкер Шайлообек Атазовдун ыйгарым укуктуу өкүлүнүн Нурбек Алимбековго карата жазылган арызын кароодон баш тартты. Бул тууралуу БШКнын маалымат кызматы билдирет.
Маалыматка ылайык, жумушчу топ ыйгарым укуктуу өкүлдүн арызын караган. Анда шайлоо кампаниясы учурунда Нурбек Алимбеков добуш сатып алууга аракет кылганы жазылган. Жумушчу топ аталган иш боюнча Ош шаардык милициясына кайрылганда факты аныкталбагандыктан иш кыскартылганын маалымдаган.
Мындан улам, жумушчу топ Нурбек Алимбековго карата жазылган арызды кароодон баш тарткан. Бул чечимди БШК да колдогон.
Пикирлер (0)
Пикир жок. Сиз биринчилерден болушуңуз мүмкүн