Борбордук шайлоо комиссиясы 12-декабрдагы отурумунда Адахан Мадумаров, Канатбек Исаев, Бектур Асановдун президенттикке талапкер Садыр Жапаровду каттоодон баш тартуу боюнча билдирүүсүн канааттандырган жок. Бул тууралуу “Биринчи радионун” эфиринде төрайымдын орун басары Абдыжапар Бекматов эмне үчүн мындай чечим кабыл алынганын айтып берди.
«Арыз ээлери талапкер премьер-министрдин кызматынан тийиштүү түрдө кетпегендигин жана жазуу жүзүндө арыз тапшырбагандыгын көрсөтүштү. Бирок бул жерде Сооронбай Жээнбековдун кырдаалындай эле – ал 15-октябрда кайрылуу жасап, кызматтан кетти. Ал эми премьер-министр Садыр Жапаров 14-ноябрда жалпыга маалымдоо каражаттары аркылуу кайрылуу жасап, ыйгарым укуктарын токтотту», – деди Бекматов.
Премьер-министрдин отставкасы спикер тарабынан кабыл алынган соң, анын шайлоого катышуу ниети тууралуу билдирүү БШКга келди, деп кошумчалады БШКнын төрайымынын орун басары.
Пикирлер (2)