16-декабрда БШКнын ыкчам аракеттеринин координациялык тобу социалдык тармактарда УКМКнын Мамлекеттик коопсуздук комитети үгүт иш-чараларынын жүрүшүндө Садыр Жапаровду үгүттөө иш-чараларында коштоп жүрөт деген кайрылууну текшере баштады.
БШКнын маалыматы боюнча, Фейсбук колдонуучусу К.Ажыбекова президенттикке талапкер Садыр Жапаров өткөргөн үгүт иш-чараларынын бириндеги сүрөттөрдү жарыялаган. Сүрөттө "Садыр Президент" деген жазуусу бар көк түстөгү спорттук баш кийим жана жилет кийген жигиттер көрсөтүлгөн.
Ошондой эле, Координациялык топ Төрөхан Жунусбековдун "Талас эли Садыр Жапаров менен ... шайлоо 2021" посту талкууланып жаткан Facebook тармагындагы маалыматтарды текшере баштады.
БШКнын мүчөсү Журабаева жана башка колдонуучулар Төрөхан Жунусбеков MegaCom мамлекеттик компаниясынын башкы директорунун кеңешчиси экендигин белгилешти жана бул «Президентти жана Жогорку Кеңештин депутаттарын шайлоо жөнүндө» мыйзамдын 22-беренесинин 15-бөлүгүн бузат деп билдиришкен.
БШК белгилегендей, комиссия бул фактылар боюнча Башкы прокуратурага жана Ички иштер министрлигине кабарлаган.
Пикирлер (3)