Шайлоо жана референдум өткөрүү боюнча борбордук комиссиясында саясий партиялардан документтерди кабыл алуу жыйынтыкталды. Бул тууралуу документтерди кабыл алуу боюнча топтун мүчөсү Абдыжапар Бекматов 25-августтагы жыйында билдирди.
Анын айтымында, 17 саясий партия каттоодон өтүү үчүн документтерин өткөрүштү.
"БШКга документтерин тапшырган 17 саясий партиянын ичинен 3 партиянын документтерин карап чыга элекпиз. Калган партиялардыкы каралды. Учурда "Реформа", "Биримдик" жана "Кыргызстан" саясий партиясынын документтери карала элек", - деди Абдыжапар Бекматов.
Белгилей кетсек, бүгүнкү жыйын саясий партиялардын БШКга тапшырган документтерине байланыштуу өтүп жатат. Ага партиялардын өкүлдөрү, журналисттер катышууда.
24-августта саат 18:00дө Жогорку Кеңештин депутаттарын шайлоого катышуучу партиялардан талапкерлердин тизмесин кабыл алуу токтогон.
Пикирлер (0)
Пикир жок. Сиз биринчилерден болушуңуз мүмкүн