ИИМдин Тергөө кызматы 2020-жылдын 5-6-октябрь күнү Бишкек шаарында катталган массалык баш аламандык фактысы боюнча Жазык кодексинин 264-беренесинин 1-бөлүмү (Массалык баш аламандык) менен Кылмыштардын жана жоруктардын бирдиктүү реестрине катталган сотко чейинки өндүрүштү иликтеп жатат. Бул тууралуу ИИМдин басма сөз кызматы билдирди.
Маалыматка караганда, иликтенип жаткан иштин алкагында 5-октябрь күнү парламенттик шайлоонун жыйынтыгына нааразы болгон саясий партиялардын лидерлери жана алардын тарапташтары Бишкек шаарынын Ала-Тоо аянтына уруксат берилбеген митингге чыгышкан.
"Массалык баш аламандыкка түрткү болгон себептерин аныктоо максатында Кыргыз Республикасынын ИИМдин Криминалдык милиция кызматы 2020-жылдын 5-октябрь күнү болгон окуянын жагдайларын аныктоо боюнча Кыргыз Республикасынын Борбордук шайлоо комиссиясынын бардык мүчөлөрүн күбө катары суракка алуу үчүн кабарлама берүү менен камсыздоо тапшырмасы берилди", - деп айтылат маалыматта.
Пикирлер (0)
Пикир жок. Сиз биринчилерден болушуңуз мүмкүн