Борбордук шайлоо комиссиясынын ыкчам аракет көрүү боюнча жумушчу топ президенттикке талапкер Садыр Жапаровдун Каракол шаарындагы эл менен жолугушуусундагы театрлаштырылган көрсөтмөнү үгүт эрежесин бузуу деп таап, расмий эскертүү берүүнү сунуштады. Сунуш Боршайкомдун жалпы жыйынында чечилет. Бул тууралуу БШКдан билдиришти.
Жумушчу топтун мүчөсү Семетей Аманбековдун айтымында, 2-январдагы отурумга талапкер Садыр Жапаровдун ыйгарым укуктуу өкүлү Александр Мощин да чакырылды. Мощин Жапаровдун жолугушуусундагы театрлаштырылган көрсөтмөнү штаб эмес, жергиликтүү тургундар өздөрү уюштурган деп билдирген.
Эске салсак, социалдык тармактарда президенттикке талапкерСадыр Жапаровдун эл менен жолугушууларынын биринде театрлаштырылган көрсөтмө көрсөтүлдү деген сүрөт тарап, талкуу жаратты. Үгүт мыйзамдарына ылайык, талапкердин жолугушууларында театрлаштырылган ар кандай шоуларга тыюу салынган. Талапкер эки жолу үгүт эрежесин бузган учурда жарыштан четтетилет.
Пикирлер (0)
Пикир жок. Сиз биринчилерден болушуңуз мүмкүн