Коронавируска каршы өлкөлөрдө киргизилген чектөөлөрдөн улам, мыйзамсыз баңгизат саткандардын жолдору өзгөргөн. Бул тууралуу COVID-19 учурундагы баңги базары тууралуу БУУнун баңгизатка жана кылмыштуулукка каршы башкармалыгынын докладында жарыяланды.
Билдирүүгө караганда аба аркылуу ташуу токтогон, жер менен ташууда кыскарган же болбосо кыйынчылыкка кабылып жатышат. Баңгизаттарды жеткирген айрым байланыштар үзүлүп, аткезчилер альтернативдүү жол издеп жатышат.
Маалыматка таянсак, метамфетамин сыяктуу синтетикалык препараттар башкаларга салыштырмалуу аба аркылуу жөнөтүлөт, учурдагы чектөөлөр бул мыйзамсыз затты авиажүк аркылуу жөнөтүүгө тосколдуктарды жараткан.
Кокаиндын негизги бөлүгү суу аркылуу ташылат, пандемия учурунда да Европанын портторунда кармалган учурлар кездешкени айтылат. Героинди көбүнчө кургак менен ташыган, бирок пандемия учурунда суу аркылуу ташыганга өтүшкөн, буга далил катары Индия океанында кармалган каражаттарды мисал келтиришет.
Изилдөөлөргө ылайык, пандемиядан улам киргизилген чектөөлөр мыйзамсыз сатылган кара куурайларга да таасирин тийгизген.
Пикирлер (0)
Пикир жок. Сиз биринчилерден болушуңуз мүмкүн