Экономикалык кылмыштуулукка каршы күрөшүү боюнча мамлекеттик кызматтын мурдагы төрагасы Бакир Таиров сотто күнөлүү деп табылды. Мындай чечимди Биринчи Май райондук соту чыгарды.
Маалыматка караганда, Бакир Таиров 2020-жылы парламенттик шайлоо алдында "Кадастр" мамлекеттик мекемесинин кызматкерине партиялардын бири үчүн каражат топтоого тапшырма бергени аныкталган.
Айыптоочу тарап Таировдун тергөө менен кызматташууга макул болуп, мамлекетке 20 миллион сом төккөнүн эске алып, аны күнөөлүү деп табууну суранган.
Сот кеңешме бөлмөсүнөн чыгып, Таировду күнөөлүү деп тапканын жана ага 265 миң сом айып салынганын жарыялады.
Эске салсак, Таиров 2020-жылдын 10-декабрында кармалган.
Пикирлер (0)
Пикир жок. Сиз биринчилерден болушуңуз мүмкүн