Министрлер кабинетинин төрагасынын орун басары Бакыт Төрөбаев Улуттук коопсуздук мамлекеттик комитетинин төрагасы Камчыбек Ташиевди "Кыргыз Республикасынын Баатыры" эң даражалуу наам менен куттуктады. Бул тууралуу Төрөбаев социалдык тармактагы баракчасына жазды.
Төрөбаев Камчыбек Ташиевдин элге кызматы бааланды деп эсептейт.
"Урматтуу Камчыбек Кыдыршаевич, "Кыргыз Республикасынын Баатыры" эң жогорку артыкчылык даражасы "Ак Шумкар" өзгөчө белгиси сыйылыгыңыз менен чын дилимден куттуктайм!
Бул дагы болсо сиздин ар дайыма "кыргыз элим үчүн" деп аткарып келе жаткан иштериңиздин дагы бир жолу чындап бааланышы деп эсептейм.
Мындан ары дагы эл-жерибиз үчүн көптөгөн жакшы иштерди талыкпай аткара беришиңизге чын жүрөктөн тилектешмин.
Сизге бекем ден-соолук, иштериңизге көптөгөн ийгиликтерди каалайм!",- деп айтылат Төрөбаевдин куттуктоосунда.
Пикирлер (0)
Пикир жок. Сиз биринчилерден болушуңуз мүмкүн