Жогорку Кеңештин Жалал-Абад шайлоо округунан депутаты Шайыр Ташиев мандатын тапшыруу тууралуу "Ата-Журт Кыргызстан" фракциясына билдирме тапшырды. Бул тууралуу фракция лидери Бакыт Төрөбаев билдирди.
Анын айтымында, депутаттын мандатын тапшыруу маселеси фракция жыйынында каралат.
"Бүгүн, 26-январь күнү Жогорку Кеңештин “Ата-Журт Кыргызстан” парламенттик фракциясынын лидери катары менин атыма фракциянын мүчөсү Ташиев Шаирбек Кыдыршаевичтен Жогорку Кеңештин депутатынын мандатын тапшыруу боюнча чечим кабыл алгандыгы тууралуу кайрылуу келип түштү.
Мындан сырткары, республикабыздын булуң-бурчундагы шайлоочулардан да кайрылуулар түшүп жатат. Бул маселе фракциянын жыйынында каралат",- деп билдирди Төрөбаев.
Пикирлер (0)
Пикир жок. Сиз биринчилерден болушуңуз мүмкүн