Бакыт Төрөбаев балдарды эл аралык күнү менен куттуктады

Жогорку Кеңештин депутаты Бакыт Төрөбаев Балдардын эл аралык күнү менен куттуктады. Бул тууралуу ал социалдык тармактагы баракчасына жазды.

Төмөндө Төрөбаевдин куттуктоосу берилди:

"Кымбаттуу балдар! 

Ар бир ата-энеге  силердин жарык маанайыңарды, күлкүңөрдү көрүү чоң бакыт. Баардык жасаган аракетибизди, кубанычыбызды, жетишкендигибизди балдарыбыздын бактылуу балалыкты өткөрүүсүнө, жаркын келечегине арнайбыз. Биз ар дайым силерди камкордугубузга алып, туура багыт, татыктуу тарбия берүүгө ынтызарбыз.

Баарыңарды бүгүнкү майрамыңар менен чын жүрөгүмдөн куттуктайм. Силерге бекем ден соолук, кең келечек, ачык асман бактылуу балалык каалайм. Ар бир үйдө силердин күлкүңөр гана жаңырып турсун".