Жогорку Кеңештин “Өнүгүү-Прогресс” фракциясынын лидери Бакыт Төрөбаев «Саясий партиялар жөнүндө» КР мыйзамына өзгөртүүлөрдү киргизүү жөнүндө» мыйзамынын долбоорун сунуштады.
Долбоор 2020-жылдын 24-апрелинен тартып парламенттин расмий сайтында коомдук талкууга коюлду.
Демилгечинин айтымында, мыйзамдын негизги максаты - саясий лидерлерди жана элиталарды тандоо, мамлекеттик кызматтарга дасыккан кадрларды даярдоо жана жетектөөчү кызматтарга саясий жоопкерчиликти алууга даяр кадрларды тарбиялоо.
“Саясий партиянын төрагасынын кызмат ордуна талапкер болуп 30 жаштан жаш эмес, жогорку билимге ээ, ушул саясий партиянын 5 жылдан кем эмес мүчөсү болгон жана соттолгондугу жок Кыргызстандын жараны көрсөтүлүшү керек”, - дейт Төрөбаев.
Анын айтымында, азыркы учурда партиянын кадрларына жана мамлекеттик бийлик органдарындагы жана жергиликтүү өз алдынча башкаруу органдарындагы шайлануучу кызмат орундарына саясий партиялардан талапкерлерге жогорку талаптар коюлушу зарыл.
Мындан сырткары саясий партиялардын ишине жана аларды түзүүгө карата талаптар жогорулайт.
Пикирлер (0)
Пикир жок. Сиз биринчилерден болушуңуз мүмкүн