Бишкек шаарынын мэринин милдетин аткаруучу Бактыбек Кудайбергенов шаардык тургундарды жеке өзү кабыл алды. Бул тууралуу мэриянын басма сөз кызматы кабарлады.
Шаардын үч тургуну мэрдин кабыл алуусунда болушту. Марфия Маматбекова жарнак белгисинин иштешинин мыйзамдуулугу жөнүндө маселеге токтолду. Ак-Ордо турак жай конушунун тургуну Салтанат Солпиева жер тилкесин легалдаштыруу маселеси менен келди. Төкөлдөш турак жай конушунда жашаган Бишкек шаарынын тургуну Жамила Секеналиева Менделеев көчөсүнөн жер тилкелерин алуу үчүн кайрылган.
Шаар мэри шаардыктарды кунт коюп угуп, вице-мэр Русланбек Акылбековго жана тиешелүү шаардык кызматтарга белгиленген тартипте маселелерди иштеп чыгууну тапшырды.
Пикирлер (0)
Пикир жок. Сиз биринчилерден болушуңуз мүмкүн