Балбак Түлөбаев Ысык-Көл облусунун губернатору болот

 

Мэриянын аппарат жетекчиси Балбак Түлөбаев кызмат ордунан кетет. Бул тууралуу 24.kg басылмасы булактарына көрсөтмө берип жазып чыкты.

Билдирүгө таянсак, Түлөбаев облусту көздөй кеткен. Эртең, дүйшөмбү күнү аймактагы өкмөттүн ыйгарым укуктуу өкүлчүлүгүнүн аппаратына тааныштырылат.

Ал эми Балбак Түлөбаев өзү кийинчерек маалымат бере турганын айтып, жаңы кызмат орунун четке каккан эмес.

Өкмөттүн Ысык-Көл облусундагы өкүлчүлүгүнүн басма сөз кызматы жаңы жетекчи дайындалганын билбей турганын айтышкан.