Бишкек шаарынын мэринин милдетин аткаруучу Балбак Түлөбаев эки вице-мэрге, Азамат Сагындык уулу жана Азиз Алымкуловго эскертүү берди. Бул тууралуу муниципалитеттин басма сөз кызматынан билдиришти.
"Шаар куруу жана архитектура боюнча вице-мэр Азамат Сагындык уулу 1999-жылдын 16-июнунда курулган жеке турак үйлөрдү легалдаштыруу, ошондой эле шаар жашоочуларынын үйлөрүн камсыз кылуу жана "Бугу-Эне-Багыш" конушундагы электр жарыгы жана ичүүчү суу менен камсыз кылуу боюнча сунуштарын 26-январга чейин бериши керек болчу. Ошондой эле калаанын транспорт маселеси боюнча вице-мэри Азиз Алымкулов "Бугу-Эне-Багыш" конушуна жаңы маршруттук каттам линиясын киргизүү сунушун иштеп чыгышы зарыл болчу.
Бирок вице-мэр Азамат Сагындык уулу тарабынан берилген тапшырмалардын аткарылышы белгиленген тартипте берилген эмес. Транспорт маселеси боюнча вице-мэри Азиз Алымкулов аткаруу пункту боюнча маалымат берилген, бирок буйрук аткарылган эмес. Натыйжада эки вице-мэр тартиптик жазага тартылышты", - деп жазылат маалыматта.
Пикирлер (0)
Пикир жок. Сиз биринчилерден болушуңуз мүмкүн