ЖКнын транспорт, коммуникация, архитектура жана курулуш боюнча комитети көпчүлүк добуш менен Бишкек шаарынын мэринин милдетин аткаруучу Балбак Түлөбаевди жана анын орун басарын кызматтан алуу боюнча сунушту өкмөткө жөнөттү. Мындай чечим бүгүн, 19-январда комитеттин жыйынында кабыл алынды.
Комитеттин бүгүнкү жыйынында курулуштагы көйгөйлөр жана курулуш үчүн документтерди берүү процедураларын оптималдаштыруу боюнча маселе каралмак. Бирок, жыйынга мэриядан бир да өкүл келген жок. Мэрия тарабынан жасалган мындай мамиле депутаттардын нааразычылыгын жаратты.
Депутаттар мэриядан комитеттин отурумуна келбей койгону биринчи жолу болуп жатпаганын белгилешип, ачууланышты.
Жыйынтыгында, комитет көпчүлүк добуш менен Балбак Түлөбаевди жана анын орун басарын кызматтан алуу боюнча сунушту өкмөткө жөнөттү.
Пикирлер (0)
Пикир жок. Сиз биринчилерден болушуңуз мүмкүн