Балдар 1 жаштан 10 жашка чейин. Түркияда өрттөн бир үй-бүлөнүн 9 мүчөсү каза болду

Түркиянын Бурса аймагында  4 кабаттуу үйдөн чыккан өрттөн 9 адам каза болду. Бул тууралуу ТРТ Хабер кабарлады.

Маалыматка ылайык, үйдүн экинчи кабатындагы мештен өрт чыккан. Аталган үйдө Сириядан келген жарандар жашаган.

Түндө үй-бүлө мүчөлөрү уктап жаткандыктан өрттүн чыкканын сезбей, үйдөн чыга албай калган. Мындан улам 6 бир тууган балдар жана алардын энеси, ошондой эле алардын 2 жээни каза болгон.

Өрт өчүрүү кызматы билдиргендей, балдардын жашы  1 жаштан 10 жашка чейин болгон.