Кечээ 20-апрелде кыргыз элинин чыгаан акындарынын бири Элмирбек Иманалиев 42 жашында жарык дүйнө менен кош айтышты. Төкмөлүгү, обондуу ырлары менен элдин жүрөгүнөн түнөк тапкан акынды азыр чыгармачылыктагы жолдоштору, күйөрман, угармандары жоктоп, каңырыгы түтөп турган кез.
Элмирбек Иманалиев менен чыгармачылыкта ийиндеш жүргөн акын жолдоштору айрыкча алп талантты жоктоп, элдин жүрөгүн сыздаткан эскерүүлөрдү билдирип жатышат.
Алардын бири казак акыны Балгынбек Имаш. Анын эскерүүсү Би-Би-Си Кыргыз кызматынын ютуб каналына жайгаштырылган. Анда ал Элмирбек Иманалиевдин каза болгонун угуп, кайгырып турганын, бирок акын артына өлбөй турган өлөң, өлбөй турган өнөр калтырганын айткан.
Пикирлер (0)
Пикир жок. Сиз биринчилерден болушуңуз мүмкүн