Бир канча убакыт мурда жаш балдардан түзүлгөн топ балдар келип мага кол салып, телефонумду жана көз айнегимди алып кетти. Мындай пикирин "Ата Мекен" партиясынын лидери Өмүрбек Текебаев ага карата кол салуудан кийин айтты.
Ал кол салгандарды таап, жазалоо керектигин белгиледи.
"Бул ачык эле коркутуп, үркүтүү. Мындай заман мурда болгон эмес. Анын үстүнө алар жаш балдар келип, шайлоонун жыйынтыгына эмне үчүн нааразы болуп жатканыбызды сурады. Видеого тарткан адамдар көбөйүп кеткенде телефонум менен көз айнегимди алып кетиптир. Алар атайын уюшулуп кичи автобус менен келиптир.
Мен муну бандиттик аракеттер башталды деп эсептейм. Мындай аракеттер кийин дагы уланат",- деди Текебаев.
Пикирлер (0)
Пикир жок. Сиз биринчилерден болушуңуз мүмкүн