Баңгизатка каршы күрөшүү кызматынын башчысынын орун басары өз кызматкерине ок атты деген маалымат иликтенүүдө

Социалдык тармактарда жана массалык маалымат каражаттарында ИИМдин Баңгизаттын мыйзамсыз жүгүртүлүшүнө каршы күрөшүү боюнча кызматтын башчысынын орун басары өзүнүн кол алдындагы кызматкерге ок атты деген маалымат тарап жатат.

ИИМдин басма сөз кызматы билдиргендей, бул факт Кылмыш жана жоруктардын бирдиктүү реестрине каттоого алынып, тиешелүү экспертизалар дайындалган.

Учурда ИИМдин Ички иликтөө кызматы кызматтык иликтөө жүргүзүүдө.