Мамлекеттик коопсуздук кызматкерлери Садыр Жапаровду коштоп жүрөт деген маалымат тастыкталган жок. Бул тууралуу Башкы прокуратуранын басма сөз кызматы билдирди.
Буга чейин Фейсбукта К.Ажыбекова аттуу колдонуучу президенттикке талапкер Садыр Жапаров өткөргөн үгүт иш-чараларынын бири жөнүндө сүрөттөрдү жарыялаган. Сүрөттө "Садыр Президент" деген жазуусу бар көк түстөгү спорттук кепка жана жилет кийген эркектер көрсөтүлгөн.
Ажыбекова "Эмне үчүн Садыр Жапарованы дагы деле СГО коштоп жүрөт? ..." деген суроону берет.
Бул факт боюнча БШК 16-декабрда Башкы прокуратурага кабарлап, Ички иштер министрлигине маалымат берген.
Пикирлер (1)