Кумтөрдү сырттан башкарып кеткен Теңгиз Бөлтүрүк 880 миллион сом зыян келтиргени аныкталып, анын 862 миллиону ордуна коюлган. Бул тууралуу башкы прокурордун орун басары Үмүткан Коңкубаева парламентте билдирди.
Депутат Улугбек Ормонов ал мамлекеттен миллиарддап уурдап, бирок 800 миң сом айып менен эле кутулдубу деп соцтармакта түшүнбөй жатканын айткан.
"Туура эмес маалымат тарап жатат. Теңгиз Бөлтүрүк болгону жасаган кылмышы үчүн жазасын алды. Ал айыпталган берене боюнча эң жогорку айып пул 800 миң сом болчу", — деп жооп берди Коңкубаева.
Эске салсак, Теңгиз Бөлтүрүк 2022-жылы сентябрда кармалган. Быйыл 30-апрелде үй камагына чыгарылган. Ал эми 21-ноябрда толук түрдө эркиндикке чыккан.
Пикирлер (0)
Пикир жок. Сиз биринчилерден болушуңуз мүмкүн