Башкы прокуратуранын тергөө башкармалыгынын башчысы Рустам Абдурасулов букмекердик кеңселерден акчасын жоготту. Бул тууралуу 24.kg өздүк булактарга таянуу менен билдирди.
Маалыматка ылайык, Абдурасуловдун иш бөлмөсүндөгү сейфте 740 миң доллар сакталып турган.
«Абдурасуловдун букмекердик кеңселерден жоготкон акчасы «Керемет Банктын» иши боюнча материалдык далил болуп саналат. Башкы прокуратуранын текшерүүсүнөн кийин банктын иши Аскер прокуратурасына өткөрүлүп берилген. Абдурасулов акчаны жаңы тергөөчүгө которушу же банкта сакташы керек болчу», - деп маалымдашкан.
Эске сала кетсек, Рустам Абдурасулов кечээ, 23-сентябрда кармалган. Ал ири суммадагы акчаны кымырып алган деп шектелүүдө. Бул каражаттар материалдык далил болгон.
Пикирлер (0)
Пикир жок. Сиз биринчилерден болушуңуз мүмкүн