Башкы прокурор Тенгиз Бөлтүрүктүн иши боюнча маалымат берди

Бүгүн, 12-апрелде Жогорку Кеңештин жыйынында Башкы прокурор Курманкул Зулушев аткарылган иштер тууралуу отчёт берүүдө.

Зулушев жыйындын жүрүшүндө "Кумтөрдүн" мурдагы башкаруучусу Тенгиз Бөлтүрүктүн иши боюнча маалымат берди.

Башкы прокурор Тенгиз Бөлтүрүк тергөө иштерин атайын создуктуруп жатканын билдирди.

"Аталган иш боюнча 2 адам абакта, экөө үй камагында. Бөлтүрүк тарабынан мамлекетке 1,1 миллиард сом зыян келтирилген. Бүгүнкү күндө 839 миллион сом өндүрүлгөн. Бөлтүрүк калган сумманы төлөөдөн баш тартып, тергөөнү создуктуруп жатат. 

Жакында бул иш сотко өтөт",- деди Зулушев.