Башкы прокурор: Жаңы кодекстерде "кустуруу" түшүнүгү жок

Жаңы кодекстерде "кустуруу" түшүнүгү жок. Бул туурасында Башкы прокурор Курманкул Зулушев Жогорку Кеңештин жыйынында билдирди.

Анын айтымында, жаңы кодексте тергөө менен кызматташуу деген түшүнүк жоюлат.

"Азыр биз сунуштап жаткан жаңы кодексте тергөө менен кызматташуу деген түшүнүк жоюлат. Мен атайын өзүм ушул мыйзамды көтөрүп чыктым.  Кылмышкер тергөө менен кызматташса да, кызматташпаса да кылмышкер.

Ал эми "кустуруу" бул мамлекетке келтирген зыяндын ордун толтуруу",- деди Башкы прокурор.