Баткен аткезчилик менен ташылган тамеки кармалды

Баткендеги чек арада контрабандалык жүктөрдү алып өтүүгө аракет кылгандар кармалды. Бул тууралуу УКМКнын Чек ара кызматынан билдиришти.

Алдын ала маалыматтар боюнча, алынган товардын жалпы баасы 670 миң сомду түздү.

"Баткен облусунун Баткен районундагы Кара-Бак айылындагы чек ара тозотунан жаңы 2 даана резина (жүк ташуучу унаа үчүн) табылган. Ошол эле күнү Баткен облусунун Баткен районунун Кожом-Булак аймагында чек арачы тарабынан Тажикстандан Кыргыз өлкөсүнө 18 коробка тамекини мыйзамсыз алып өтүүгө аракет кылган Кыргыз жараны кармалган", - деп айтылат маалыматта.

Тиешелүү документтер толтурулгандан кийин кармалган адам жана жүктөр кошумча иликтөө үчүн компетенттүү органдардын кызматкерлерине өткөрүлүп берилди.