Теке 19, 2024
Убакыт: 22:10
USD
84.30
85.20
EUR
91.90
92.90
RUB
0.945
0.980

Баткен районунда 68 млн сомго 15 суу кудугу казылды

21.06.2024 10:56
429
Баткен районунда 68 млн сомго 15 суу кудугу казылды


Баткен районунун аймагындагы сугат суу тартыш айылдарды үзгүлтүксүз сугат суу менен камсыздоо максатында, жалпы 15 тике суу кудугунун курулуш иштери жүрдү. Бул тууралуу президенттин аймактагы өкүлчүлүгүнөн билдиришти.

Маалым болгондой, анын ичинен бүгүнкү күндө 8и пайдаланууга берилди, дагы бешөө пайдаланууга даяр, 1-июлга пайдаланууга берилүүсү күтүлүүдө. Ал эми 2 обьектте казуу иштери уланууда.

Тактап айтканда, Самаркандек айыл аймагында 7, Ак-Татыр айыл аймагында 3, Кара-Булак айыл аймагында 2, Кара-Бак айыл аймагында 1, Ак-Сай айыл аймагында 2 тике суу кудугу казылды.

Белгиленгендей, бул обьекттер үчүн 2023-жылы мамлекеттик бюджеттен облусту өнүктүрүүгө багытталган 500 млн сомдун эсебинен 68 млн сом каржыланды.

"Мында суу алгач сугат каналдары аркылуу берилет, суу тартыштыгы пайда болгон учурда суу кудуктары пайдаланылат", - деп айтылат маалыматта.

Теги

Пикирлер (0)

Коопсуздук коду

Пикир жок. Сиз биринчилерден болушуңуз мүмкүн