Баткен жана Кара-Суу округдарында шайлоо өткөрүүгө 23 миллион 934 миң сом жумшалат. Бул туурасында Борбордук шайлоо комиссиясы билдирди.
БШК кечээ Жогорку Кеңешке жаңы депутаттарды шайлоого кеткен чыгымдын сметасын бекитти. Каражат республикалык бюджеттен бөлүнөт.
Аталган эки округда 223,5 миң шайлоочу бар. Добуш берүү күнү 28-апрелге белгиленген.
Буга чейин аталган бир мандаттуу округдардан парламентке шайланган депутаттар Искендер Матраимов менен Нурлан Ражабалиев БШКга өз ыктыяры менен мөөнөтүнөн мурда ыйгарым укуктарын токтотууга арыз жазып, мандатынан ажыратылган.
Пикирлер (0)
Пикир жок. Сиз биринчилерден болушуңуз мүмкүн