Баткен шаарында 12 млн сомго 90 орундуу оорукананын курулушу башталды

Баткен облусунда 90 орундуу оорукананын курулушу башталды. Бул тууралуу өкмөттүн Баткен облусундагы ыйгарым укуктуу өкүлү Алишер Абдрахманов билдирди. 

Анын айтымында, курулушка  12 млн сомдон ашык каражат бөлүнгөн. 

"Ал үчүн Баткен шаарында жайгашкан мурдагы облустук Үй-бүлөлүк дарыгерлер борборунун имаратын капиталдык оңдоп түзөөдөн өткөрүп, жугуштуу оорулар ооруканасына ыңгайлаштырылат. Оорукананын курулуш иштери үчүн мамлекет тарабынан 12 млн сомдон ашык каражат бөлүнгөн. Учурда жумуш башталып, бир айлык мөөнөттө курулушту бүткөрүү аракети көрүлүп жатат», - деди ал.