Баткенде Ак-Гоорум каналынын курулушу аяктады

Баткен облусундагы элдин күчү менен курулган Ак-Гоорум каналынын курулушу аяктады. Бул тууралуу Өкмөттүн Баткен облусундагы ыйгарым укуктуу өкүлүнүн басма сөз кызматынан билдиришти.

Маалыматка ылайык, Кадамжай районунда Ак-Гоорум каналынын курулушу аяктап, текшерүү үчүн, алгач ирет суу берилди. Анын узундугу 7,5 километрди түзүп, 300 гектар жерге сугат суу жана 330 кожолукка таза суу жеткирилген.

Учурда жумуштун 98% аяктап, 12,8 миллион сом жумшалган. Жергиликтүү эл курулушка акысыз иштешкени айтылат.

Ал эми, курулуш иштерине каражаттар Беш-Арча тоо кен ишканасынын социалдык пакетинен жана “Ассалам” кайрымдуулук фонду бөлүп берген.