Бүгүн, 29-январда Баткен облусунда Кыргызстан менен Тажикстандын делегацияларынын жолугушуусу өтүп жатат. Бул тууралуу "Турмуш" басылмасы жеринен кабарлады.
Делегация Баткен районундагы «Кызыл-Бел унаа жолу» көзөмөл-өткөрмө пунктунда жолугушту. Тажикстандын делегациясын УКМКнын төрагасы Саймумин Ятимов жетектеп, делегациянын курамында Чек ара кызматынын жетекчилери, Согдий облусунун төрагасы Раджаббой Ахмадзода бар.
Ал эми Кыргызстандын делегациясын Министрлер кабинетинин төрагасынын орун басары — Улуттук коопсуздук мамлекеттик комитетинин төрагасы Камчыбек Ташиев жетектеп, делегациянын курамына ИИМдин, Чек ара кызматынын жетекчилери, Тышкы иштер министрлигинин өкүлдөрү, президенттин Баткен облусундагы өкүлү Абдикарим Алимбаев кирди.
К.Ташиев кесиптеши С.Ятимовго бетме-бет жумушчу жолугушуу өткөрүп, кыргыз-тажик чек ара тилкесиндеги окуяны талкуулоону сунуштады. Муну менен катар эле Кыргызстандын УКМКсынын төрагасы протоколдорго кол коюлбай турганын белгиледи.
Булак: "Турмуш"
Пикирлер (0)
Пикир жок. Сиз биринчилерден болушуңуз мүмкүн