29-апрелде Баткендеги кыргыз-тажик чек арасындагы атышууда окко учкан чек арачы Манасбек уулу Нурсултан кичи мекени Аксынын Дейрес-Сай айылында жерге берилди.Бул тууралуу Turmush басылмасынын аймактык кабарчысы билдирди.
Маалым болгондой, маркумду акыркы сапарга узаттуу зыйнатына өкмөттүн Жалал-Абад облусундагы ыйгарым укуктуу өкүлү Абсаттар Сыргабаев, Аксы районунун акими Жыргалбек Шакиев жана Чек ара кызматынын өкүлдөрү, айылдаштары келишти.
Нурсултан Манасбек уулу Дейрес-Сай айылында 1992-жылы туулган. 4 бир туугандын үчүнчүсү. Мектепти 2010-жылы аяктап, 2015-жылы жогорку аскердик окуу жайын бүтүргөн. Ошол эле жылы Мамлекеттик чек ара кызматынын №2028 аскер бөлүгүндөгү 3-топтун командири болуп дайындалган.
Пикирлер (0)
Пикир жок. Сиз биринчилерден болушуңуз мүмкүн