Баткенде жер титирөө катталды

Бүгүн, 9-июлда Баткен облусунда жер титирөө катталды, деп билдирет ӨКМдин басма сөз кызматы.

Сейсмология институтунун маалыматына караганда, саат 12:39да Тажикстан Республикасынын аймагында очогунда күчү 5 баллга жеткен жер титирөө катталган.

Жер титирөө Баткен облусунун Лейлек районунун Алга, Жеңиш айылдарында 5 балл, Сүлүктү шаарында, Лейлек районунун Исфана шаарында 4 балл, Катраң айылында 4 баллга чейин сезилген.

Жер титирөөдөн жабыркагандар жана кыйроолор катталган жок.