Баткенде жол кырсыгынан 5 адам жаракат алды

Баткен шаарында жол кырсыгы катталып, 5 адам жаракат алды. Бул тууралуу Өзгөчө кырдаалдар министрлигинин басма сөз кызматынан билдиришти.

Маалыматка ылайык, 13-майда саат 00:57 чамасында Садыков көчөсүндө  “Портер” жана “Ниссан” унааларынын катышуусунда жол кырсыгы катталган. Анын кесепетинен 5 эркек адам ар кандай жаракат алган. Окуя болгон жерге барган ӨКМнын куткаруучулары жабыркагандарды унаадан чыгарып тез жардам кызматына өткөрүп берген.