Ысык-Көл облусундагы “Энесай” жана “Алтын Жай” пансионаттарында реабилитациядан өтүп жатышкан Баткен облусунун дарыгерлери эс алуу ойдогудай өтүп жатканын билдиришти, деп маалымдайт республикалык ыкчам штаб.
Дарыгерлердин айтымында, жатакана, тамак-аш жана маданий иш-чаралар мыкты деңгээлде уюштурулган.
"Социалдык тармактар аркылуу Баткендин дарыгерлери Ысык-Көлдөгү эс алуу шарттарына нааразы болуп жатканы тууралуу маалымат тарап жатат. Биз бул пикирге кошулбайбыз. Мындан артык дагы кандай болсун? Биздин эч кандай дооматыбыз жок. Тескерисинче, ыраазыбыз”, - деди Кызыл-Кыя аймактык ооруканасынын бөлүм башчысы Ирсалат Абдуллаева.
Учурда Ысык-Көлдөгү “Энесай” жана “Алтын Жай” пансионаттарында 2500дөн ашуун дарыгер эс алып, ден соолуктарын калыбына келтиришти.
Пикирлер (0)
Пикир жок. Сиз биринчилерден болушуңуз мүмкүн