Электр энергияга болгон тарифти көтөрүү керек. Бул тууралуу “Кыргыз энергетикалык эсеп борбору” ААКтын башкы директору Талайбек Байгазиев бүгүн маалымат жыйынында билдирди.
Анын айтымында, "акылдуу" эсептегичтерди киргизүү менен электр энергиясына дифференциалдык тарифтерди киргизүү мүмкүн. Электр энергиясын керектөө ыкмасын керектөөчү өзү тандай алат.
«Жакында эле керектөө чектерин жогорулатуу же таптакыр алып салуу керектиги айтылды. Албетте, муну жасаса болот, бирок анда тарифтер башкача болушу керек. Ар бир киловатт саатына 77 тыйындан төлөбөйсүз.Социалдык жактан муктаж адамдарга гана жеңилдетүү берип, калганына бирдей баа коюш керек.
Тарифти көтөрүү керек, анткени электр энергиясын колдонуу өсүп жатат. Экономиканы өнүктүрүү, энергетикалык кубаттуулукту жогорулатуу керек. Бул биз үчүн, Кыргызстан үчүн керек.Тарифтерди кескин болбосо да, бир аз көтөрүү керек. Ал ийкемдүү график менен пландаштырылууга тийиш. Коңшу мамлекеттердин бардыгы буга чейин тарифтерди көтөрүшкөн. Энергетика тармагында коррупциялык тобокелчиликтер бар. Компаниянын чыгымдарын оптималдаштыруу керек», - деп ал.
Пикирлер (2)