Чын курандын 06, 2025
Убакыт: 09:28
USD
86.60
87.10
EUR
94.90
95.90
RUB
1.010
1.050

Базар-Коргондо эки жеңил унаанын кагылышуусунан 2 адам каза болуп, 10 адам жаракат алды

Базар-Коргондо эки жеңил унаанын кагылышуусунан 2 адам каза болуп, 10 адам жаракат алды

Базар-Коргон районундагы Акман айыл өкмөтүнөн өткөн Бишкек-Ош унаа жолунун 554-чакырымында жол кырсыгы катталып, эки адам көз жумду. Бул тууралуу облустук милициядан билдиришти.


Маалым болгондой, жол кырсыгы кечээ, 2-майда болгон. Анда Хонда-Степвагон (рулда Ноокен районунун тургуну болгон) жана Митсубиси (Жалал-Абад шаарынын тургунунун башкаруусунда) үлгүсүндөгү унаалар сүзүшкөн.


Кырсыктын айынан Митсубиси унаасынын айдоочусу 1961-жылы туулган А.К. жана Хонда-Степвагон унаасында жүргүнчү катары бара жаткан 2021-жылы туулган А.Э. алган жарааттарынан улам каза болду.


Жалпы 10 жүргүнчү денелеринен ар түрдүү жаракаттарды алышып, райондук ооруканага жаткырылган. Учурда Базар-Коргон РИИБинин тергөө кызматы тарабынан тиешелүү иштер жүргүзүлүп жатат.


Пикирлер (0)

Коопсуздук коду

Пикир жок. Сиз биринчилерден болушуңуз мүмкүн