Бек Борбиев шайлоонун таза эмес өткөнүн айтып чыкты

"Ата-Журт Кыргызстан" партиясынын Жогорку Кеңештин депутаттыгына талапкер, ырчы Бек Борбиев шайлоо таза эмес өткөнүн айтып чыкты. Бул тууралуу ал соцтармактагы баракчасына жазды.

Анын айтымында, ал позиция тарапта туруп, оппозиция болгон.

"Таза шайлоо болгон жок,  мен болот го деп ойлогом, эл башындагы эки жигит кайсады.

Аларга керек жерде админ ресурс иштеди.

Оңолбойт экенбиз.

Мен позиция болуп туруп, оппозиция болуп бийликке, оппозиционер болуп иштегенге туура келди. Унчукпадым. Не болсо дагы уттуңар.   Анткени туура эмес кылганыңды эл көрүп билип турат",- деп билдирүү калтырган Борбиев.