Бишкек шаарына Беларусь Республикасынан атайын каттам менен коронавирус инфекциясы менен күрөшүү үчүн керектүү дары каражаттарынан турган жүк келет. Бул тууралуу өкмөттүн басма сөз кызматы билдирди.
Маалыматка караганда, жалпы салмагы 5,4 тонна болгон дары-каражаттары Минск шаарынан (Беларусь Республикасы) премьер-министр Кубатбек Боронов Евразия экономикалык бирлигинин өкмөттөр аралык кеңешинин кезектеги жыйынына катышуу үчүн учуп барган учак менен жеткирилет.
Бул аркылуу кыргы өкмөтү жогору болуп жаткан суроо-талапты канааттандыруу максатында ата мекендик фармацевтикалык компанияларга дары каражаттарын алып келүүгө көмөк көрсөттү. Бул дары-дармектер калкка жеткиликтүү баада сатылат.
Пикирлер (0)
Пикир жок. Сиз биринчилерден болушуңуз мүмкүн