Белгилүү хирург Эрнст Акрамов акыркы сапарга узатылды

Бүгүн, 27-ноябрда Бишкектеги Опера жана балет театрында белгилүү хирург Эрнст Акрамов акыркы сапарга узатылды.

Коштошуу иш-чарасына министрлер кабинетинин төрагасынын орун басары Эдил Байсалов, Жогорку Кенештин депутаттары Нурланбек Азыгалиев, Балбак Түлөбаев, Акрамовдун кесиптештери жана шакирттери катышты.

Белгилүү окумуштуу-хирург, мамлекеттик жана коомдук ишмер, медицина илимдеринин доктору, профессор Эрнст Акрамов 89 жаш курагында көз жумду.

Анын сөөгү Ала-Арча көрүстөнүнө коюлду.