Август айында Орусиянын мунай иштетүүчү заводдорунда күйүүчү майдын дүң баасы 140 долларга жетти. Бул тууралуу Нефтетрейдерлер ассоциациясынын жетекчиси Канат Эшатов билдирди.
Анын айтымында, мындай кымбаттоо Казакстан менен чек арада 1 тонна күйүүчү майдын баасы 800 доллардан ашат дегенди билдирет. Анын үстүнө бензин эле эмес, дизель майы да кымбаттап жатат.
«Бардык көйгөй сатуулардагы баадан келип чыгууда. Мындай кымбаттоо менен күйүүчү-майлоочу майдын литри 10 сомго кымбатташы керек. Албетте, бааны мынчалык эч ким көтөрбөйт. Нефтетрейдерлер эки жумалык күйүүчү-майлоочу май менен камсыздалган. Бул аралыкта дүң баалар өзгөрбөсө, анда акырындап көтөрүүгө туура келет”,-дейт Канат Эшатов.
Эске салсак, бүгүн кыргызстандыктар бензиндин баасы кескин жогорулаганын байкашкан. АИ-95 өзгөчө кымбаттады.
Пикирлер (0)
Пикир жок. Сиз биринчилерден болушуңуз мүмкүн