Германияда мектептер коронавирус таркаган очокко айланууда. Бул тууралуу Республикалык ыкчам штабдан билдирди.
Маалыматка ылайык, Германияда окуучулар эки жума мурда мектепке бара баштаган. Берлиндеги 825 мектептин ичинен 41 мектепте ооруну жуктуруп алуу учурлары катталган.
“Мында бардык жаштагы балдар – башталгыч мектептен бүтүрүүчү класстарга чейин, ооруган. Жүздөгөн окуучу менен мугалимдер карантинге жөнөтүлдү”, - деп айтылат маалыматта.
Мектептердин ачылышына байланышкан ооруну жуктуруунун жаңы очоктору тууралуу АКШнын бир катар штаттарынын бийликтери жана Израилдин билим берүү министрлиги кабарлаган.
Ал эми Францияда мектептер бир жумадан кийин ачылып, 11 жаштан улуу балдар билим берүү мекемесинде милдеттүү түрдө беткап тагынууга милдеттендирилген.
Пикирлер (0)
Пикир жок. Сиз биринчилерден болушуңуз мүмкүн