Бейрут шаарында эл нааразылык акциясына чыгышып, жолдорду жапты

Ливандын борбору Бейрут шаарында массалык демонстрациялар башталды. Бул тууралуу "РИА Новости"  агенттиги маалымдады.

Демонстранттардын тобу 2-мартта  кечинде Ливандын борборунун Фаллен аянты жана башка маанилүү унаа жолдорунун аймагындагы Бейруттун борборуна кире беришин жаап салышты.

Ондогон демонстранттар дөңгөлөктөрдү жана таштанды челектерди өрттөп, Бейруттун борборундагы трафикти, ошондой эле шаардын түндүк чыгышын жана бир катар ири жолдорду жаап салышты.

Жолдорду жабуу доллардын баасы 10 000 ливандык фунтка чейин көтөрүлдү деген маалыматтан кийин башталды. Ошентип, өлкөдө орточо айлык маяна $ 80-100 чейин түштү.

Мындан сырткары, митингчилер күйүүчү майдын таңкыстыгына жана электр энергиясынын өчүрүлүшүнө нааразы болушууда.