Билим берүү жана илим министрлиги ЖОЖдорго кабыл алуунун дагы бир туру өткөрүлө турган буйрук чыгарды. Бул тууралуу аталган башкармалыктан билдиришти.
Бешинчи турга каттоо 14-августта эртең мененки саат 8:00дө башталып, 16-августта саат 14:00дө аяктайт.
«Эгерде 21, 22, 23-август күндөрү саат 9.00дө ЖОЖдордо бош орундар болсо, кабыл алууга кошумча сунушталган абитуриенттердин тизмелери илинет. Окууга кошумча сунушталгандардын тизмесине кирген абитуриент 24 сааттын ичинде ЖОЖго тапшыруу каалоосун ырасташы керек», — деп айтылат министрликтин маалыматында.
Эске салсак, ЖОЖдорго тандоо «Абитуриент Онлайн» автоматташтырылган маалымат системасы аркылуу жүргүзүлөт. Абитуриент гранттык окууга сынакка катышуу үчүн бир арызды жана бир ЖОЖдо да, башка окуу жайларда да контракттык окууга бир арыз бере алат.
Пикирлер (0)
Пикир жок. Сиз биринчилерден болушуңуз мүмкүн