Билим берүү жана илим министрлиги мектептердин 80 миң мугалимин ноутбук менен камсыз кылууну пландоодо. Буга байланыштуу мекеме ноутбуктарды сатып аларын жарыялады.
Министрлик адегенде жеткирип берүүчүлөрдөн жана даярдоочу заводдордон коммерциялык сунуштарды күтөт. Анда жеткирүүнүн мөөнөтү да көрсөтүлүшү керек. Бул аракеттер министрликке ноутбуктарды сатып алуунун алдында анын баасына мониторинг жүргүзүүгө жардам берет. Баалары көрсөтүлгөн сунуштар 11-октябрь саат 14:00гө чейин кабыл алынат.
Ноутбук даярдаган тараптар же ноутбук менен иш жүргүзгөндөр сунуштарын [email protected] дарегине жөнөтүшү керек. Толук маалымат менен бул шилтеме аркылуу кирип таанышсаңыз болот.
Пикирлер (0)
Пикир жок. Сиз биринчилерден болушуңуз мүмкүн