Билим берүү жана илим министрлиги мектептерде реалдуу окутуу форматына өтүү үчүн түрдүү жолдорду иликтеп жатат. Бул тууралуу Билим берүү жана илим министрлигинин өкүлү Айнура Кусеинова "Ала-Тоо 24" каналына берген маегинде кабарлады.
Мектептерде реалдуу форматта окутуу мектепте окуган окуучулардын санына жана аймактагы абалга байланыштуу болот.
Билим берүү министрилиги төмөнкү 3 вариантты сунуштайт:
1-вариант. Мектептин жеке же мамлекеттик экенине карабай окуучу саны 300гө чейин болсо, санитардык көзөмөл органдарынын жана жергиликтүү башкаруу органдарынын уруксаты менен 1-класстан 11-класска чейин окуучулар реалдуу форматта окуй баштайт.
2-вариант. Мында мектепте окуган балдардын саны 600гө чейин болсо, бул мектептер санитардык жана жергиликтүү башкаруу органдарынын уруксаты менен этаптуу түрдө реалдуу форматта окуй баштайт. Алгач 1-5-9-11-класстар окуй баштайт. Экинчи этапта калган класстын окуучулары окуйт.
3-вариант. Эгерде мектептеги окуучу саны 600дөн ашык болсо, тиешелүү органдардын уруксаты менен этап этабы менен окуй баштайт. Бул вариантта ийкемдүү график менен окутуу талап кылынат.Алгач 1-11-класстар андан кийин 5-9-класстар окуй баштайт.
Пикирлер (2)