Август айында майнинг тармагынан салыктан бюджетке түшкөн каражат 11 миллион 640,1 миң сомду түздү. Бул тууралуу Каржы министрлигинин бюджеттин аткарылышы боюнча отчетунда айтылат.
Бүгүнкү күндө бул жыл башынан бери катталган эң чоң түшүү көлөмү. Буга чейин майнинг-фермалардан салык которуулардын жогорку деңгээли июнь (10 млн 544,3 миң сом) жана июль (10 млн 414,8 миң сом) айларында да белгиленген.
Бул салыктын эсебинен сегиз айда эле казына 55 миллион 838,1 миң сомго толукталды.
Төлөмдөр жылдын экинчи кварталында активдүү өсө баштады. Апрель-август айларында бюджетке 49 миллион 180,7 миң сом түшкөн, же бардык төлөмдөрдүн 88 пайызы.
2023-жылдын февралында эң аз майнинг салыгы төлөнгөн – 738 миң сом.
Пикирлер (0)
Пикир жок. Сиз биринчилерден болушуңуз мүмкүн