Бир нече жолу сигнал берген. Бишкекте жаш жигитти тепловоз сүзүп кетти

Бишкек шаарында тепловоз жаш жигитти сүзүп кетти. Бул тууралуу Ички иштер министрлигинин басма сөз кызматынан билдиришти.

Маалыматка ылайык, окуя бүгүн, 15-июлда саат 09:00 чамасында Мухтар Ауэзов көчөсүндөгү темир жолдо болгон. Ал №4 Травматология жана ортопедия илим изилдөө борборунун жандандыруу бөлүмүнө жаткырылган.

Күбөлөрдүн айтымында, тепловоздун айдоочусу ага бир нече жолу сигнал берген, бирок ал уккан эмес.

Учурда жабырлануучунун аты-жөнү аныкталууда. Белгилүү болгондой, ал болжол менен 20-25 жашта экени айтылат.